උත්තරීතර නායකයාගේ මරණයට පළිගැනීමක් ලෙස ජනරජ ඉතිහාසයේ දරුණුම ප්‍රහාරය එල්ල කීරිමට ඉරානය සූදානම්

ඉස්ලාමීය ජනරජ ඉතිහාසයේ වඩාත්ම දරුණු ප්‍රහාරාත්මක මෙහෙයුම ඊශ්‍රායලයට සහ එක්සත් ජනපදයට එරෙහිව සිදු කිරීමට නියමිත බව ඉස්ලාමීය විප්ලවවාදී ආරක්ෂක බලකාය (IRGC) අනතුරු අඟවා තිබෙනවා.

එක්සත් ජනපදය සහ ඊශ්‍රායල ප්‍රහාරවලින් රටේ උත්තරීතර නායක අයතුල්ලා අලි කමේනි මිය ගිය බව තහවුරු වීමෙන් පසු පළිගැනීමේ පොරොන්දුව ලබා දෙමින් ඔවුන් එසේ ප්‍රකාශ කර ඇති බවයි සඳහන් වන්නේ.

එය ඉරාන ඉස්ලාමීය ජනරජයේ සන්නද්ධ හමුදා ඉතිහාසයේ දරුණුතම ප්‍රහාරාත්මක මෙහෙයුම් මාලාව විය හැකි බවයි ඔවුන් පවසා ඇත්තේ.

ඇමරිකානු අත්පත් කරගත් ඉඩම් සහ කඳවුරු දෙසට ඉක්මනින් මෙම ප්‍රහාරය ආරම්භ වනු ඇතැයි ඉස්ලාමීය විප්ලවවාදී ආරක්ෂක බලකාය පවසා තිබෙනවා.

“මෙම මහා අපරාධයට කිසිදා පිළිතුරු නොලැබෙන අතර ඉස්ලාමීය ලෝක ඉතිහාසයේ නව පිටුවක් පෙරළනු ඇත” යනුවෙන් ඉරාන රජය මේ වන විට නිවේදනයක් නිකුත් කර ඇති බවයි වාර්තා වන්නේ.