මෙවර දියවන්නා අවුරුදු කුමරිය තේරීමේ තරගයේ ජයග්‍රාහිකාව වූයේ  අසංෂා ජයලත්ය.  මේ කතාබහ ඇය සමගයි.අසංශාගෙ ගම කොහෙද ?

• මම පිටකෝට්ටේ.

ඔයා මොනවද කරන්නේ මේ දවස්වල ?
මම තවම පාසල් යනවා. පිටකෝට්ටේ ආනන්ද බාලිකා විද්‍යාලයේ ඉගෙනුම ලබනවා. ලබන වසරේ අ.පො.ස උසස් පෙළ විභාගයට පෙනී සිටිනවා. 

• පවුලේ විස්තර?

අපේ ගෙදර අම්මයි තාත්තයි අක්කයි අයියයි මමයි ඉන්නේ. 

• කොහොමද  තරගාවලියට සහභාගි වෙන්න අවස්ථාව ලැබුණේ?

ෆේස්බුක් එකේ තිබුණු පෝස්ට් එකක් දැකලා මමයි මේ තරගයට අයදුම් කළේ. මේ මගේ පළමුවැනි පැජෙන්ට් එක.

• පවුලේ අයගෙන් සහයෝගය ලැබෙනවද?

ඔව්. අම්මයි තාත්තයි ගොඩක් කැමතියි මම මේ වගේ දේවල්වලට සහභාගි වෙනවට. අම්මා නම් ඉස්සර ඉඳලම කියනවා මේ වගේ තරගවලට අයදුම් කරන්න කියලා.

• පාසලෙන් ලැබෙන ප්‍රතිචාර කොහොමද? 

ඔව්.  ගුරුවරු ගොඩක් සතුටු වුණා මගේ මේ ජයග්‍රහණය පිළිබඳව.  පරිස්සමින් මේ ගමන යන්න කියලා ගුරුවරු  මට උපදෙස් දෙනවා.

• කලා ක්ෂේත්‍රයෙන් ඔබට ආරාධනා ලැබෙනවද

නිරූපණ ක්ෂේත්‍රයේ වැඩ කටයුතු කරනවා. නමුත් රංගන ක්ෂේත්‍රයෙන් තවම ආරාධනා ලැබී නැහැ. කුඩා කාලයේ නම් ගීතයකට මම රංගනයෙන් දායක වුණා. 

• මිතුරියන්ගෙන් ලැබෙන ප්‍රතිචාර කොහොමද?

එයාලා ගොඩක් කැමතියි මම යන ගමනට. මගේ සමහර ෆොටෝස්  එයාලා share කරනවා. ඒ වගේම රංගනය සඳහා මාව උනන්දු කරවනවා.

• හොඳම යාළුවා කවුද?

මගේ අම්මා.  අම්මත්  එක්ක හැමදෙයක්ම  කතා කරන්න පුළුවන්. අම්මා මගේ යාළුවෙක් වගේ. තාත්තත් ඒ වගේමයි.

• වෙනත් දක්ෂතා මොනවද?

මම පාසලේ තූර්ය වාදක කණ්ඩායමේ සිටිනවා. ඒ වගේම නර්තනය හදාරනවා. මේ දේවල්වලින් තරග සඳහා ද  සහභාගී වී තිබෙනවා.

• අනාගත බලාපොරොත්තු මොනවද? 

අ.පො.ස  උසස් පෙළ විභාගයෙන් පසුව නිරූපණ ක්ෂේත්‍රයෙන්  ඉදිරියටම යන්න බලාපොරොත්තු වෙනවා.

Cover Concept by - ASHWARU

Pic  : Rushiru Colambathanthrige