කඳුරට ‘පිපෙන කැකුළු’ දූ දරුවෝ දුනුමඩලාවේදී අවුරුදු සමරති

ශ්‍රී ලංකා ගුවන් විදුලි සංස්ථාවේ මහනුවර කඳුරට සේවය මගින් මෙහෙයවනු ලබන ‘පිපෙන කැකුළු’ ළමා වැඩසටහනේ දරු දැරියන් වෙනුවෙන් සංවිධානය කරන ලද අලංකාර සිංහල සහ දෙමළ අලුත් අවුරුදු උත්සවය පසුගියදා මහනුවරදී අති උත්කර්ෂවත් අයුරින් පැවැත්විණි.

පරිසර සිරි මැද පැවැත්වුණු අවුරුදු මංගල්‍යය
මහනුවර මහ නගර සභාවට අයත් දුනුමඩලාව පාරිසරික රක්ෂිතයේ පවත්වන ලද මෙම උත්සවය සඳහා කඳුරට සේවයේ දරු දැරියන් සහ ඔවුන්ගේ දෙමව්පියන් විශාල පිරිසක් සහභාගී වූහ. පරිසර සිරිය මැද පැවැත්වුණු මෙම වැඩසටහන මගින් දරුවන්ට සොබාදහම සමඟ එක්ව අවුරුදු සැමරීමේ අපූරු අත්දැකීමක් හිමි විය.

චාරිත්‍ර වාරිත්‍ර සහ ක්‍රීඩා ඉසව්
උත්සවය ආරම්භ කරමින් සුබ නැකතට කිරි ඉතිරවීමේ මංගල්‍යය සිදු කෙරුණු අතර, ඉන් අනතුරුව සම්ප්‍රදායික අවුරුදු සිරිත් විරිත්වලට මුල්තැන දෙමින් විවිධ අංගයන් ක්‍රියාත්මක විය. දරු දැරියන්ගේ දක්ෂතා ඔප්නංවන සහ ඔවුන්ගේ විනෝදය වෙනුවෙන් සංවිධානය කරන ලද:

ජන ක්‍රීඩා සහ විවිධ ක්‍රීඩා ඉසව් රැසක්

අවුරුදු චාරිත්‍ර ප්‍රායෝගිකව අත්විඳීම

ළමා නිර්මාණ ඉදිරිපත් කිරීම් ආදිය මෙහිදී දැකගත හැකි විය.

සම්භාවනීය අමුත්තන්ගේ සහභාගීත්වය
මෙම අවස්ථාවට ගෞරවනීය ආරාධිත අමුත්තන් රැසක් එක්ව සිටියහ. ඒ අතර:

මහාචාර්ය එච්.එම්.ආර්.ඩී. හේරත් මහතා

ප්‍රවීණ ගුවන් විදුලි මාධ්‍යවේදී ප්‍රින්ස් හේරත් මහතා

මහනුවර නාගරික කොමසාරිස් ඉන්දිකා කුමාරි අබේසිංහ මහත්මිය

මධ්‍යම පලාත් නියෝජ්‍ය පොලිස්පති සුදත් මාසිංහ මහතා ඇතුළු සම්භාවනීය පිරිසක් එක්ව දරු දැරියන් දිරිමත් කළහ.

කඳුරට ගුවන් විදුලිය මගින් සංවිධානය කරන ලද මෙම වැඩසටහන හරහා අනාගත පරපුරට හෙළ සිරිත් විරිත් හඳුන්වා දීමත්, මාධ්‍ය සහ දූ දරුවන් අතර ඇති සබඳතාවය ශක්තිමත් කිරීමත් අපේක්ෂා කෙරිණි.

ඡායාරූප

පිපෙන කැකුළු ගුවන්විදුලි ළමා වැඩ සටහනේ දරු දැරියන් අවුරුදු උත්සවයේ ක්‍රීඩා වල නිරත වන සහ චාරිත්‍ර ඉටු කරන අයුරු ඡායාරූප වල දැක්වේ.

වාර්තාව: ජේ. ඒ. එල්. ජයසිංහ 

වෙනස් විදිහට ඇඹරැල්ලා තෙම්පරාදුවක් Read Previous

වෙනස් විදිහට ඇඹරැල්ලා තෙම්පරාදුවක්

ප්‍රථම වරට ළමා පනත් දෙකක් බ්‍රේල් ක්‍රමයට Read Next

ප්‍රථම වරට ළමා පනත් දෙකක් බ්‍රේල් ක්‍රමයට

Realted Post

Leave a comment