මෙරට සමාජමාධ්‍යය ජාලාවන් හී හාස්‍ය රංගනයෙන් විස්කම් පාමින් විශාල යූ ටියුබ් ග්‍රාහකයින් සංඛ්‍යාවකගේ ආකර්ෂණයට නතුවූ ජනප්‍රියම ශිල්පීන් හත් දෙනෙකුගේ එකතුවෙන් , සුරංග ද අල්විස්ගේ හත් වන සිනමා නිර්මාණය ලෙසින් නිමැවෙන " ඒක තමයි මේක " චිත්‍රපටයේ නිළ සමාරම්භක උළෙල පසුගියදා පැවැති අතර , මේ වන විට එහි රූ ගත කිරීම් ආරම්භකර ඇත.

මෙය සර්ව සම්පූර්ණ  විනෝදාත්මක පවුලේ සැමට එක්ව නැරඹිය හැකි චිත්‍රපටයක් වන අතර , ප්‍රේක්ෂකයා නිරන්තරයෙන් සිනා සාගරයක ගිල්විය හැකි හාස්‍යරසය මතුපිටින් ගලා ගියද , වත්මන් ශ්‍රී ලාංකීය තාරුණ්‍යය මුහුණ පාන සංකීර්ණ ගැටළු සම්බන්ධව යටි අරුතක් සහිතව වඩාත් ගැඹුරු කතාන්දරයක් සමාජය වෙත ගෙන එනු  ලබයි.

මෙහි රංගනයෙන් , රංග ජරකොඩි (ජනා), චමල් රත්නායක ( ප්‍රියා), රතිඳු රත්නායක ( රැට්ටා), ලෝචනා ජයකොඩි ( ලෝචි)ලක්මාල් වීරසිරි(ලකා) , ශාන් අරෝශ ( සිකා),ජනිත් රූපසේන( සිරිල් අයියා) සමගින් සංජානා ඔනාලි, සංගීත් ප්‍රභූ , කළණ ගුණසේකර , ආනන්ද වික්‍රමගේ , පියුමි බොතේජු , දමිතා අබේරත්න , ආරියසේන ගමගේ , නිල්මිණි කෝට්ටේගොඩ , ඩී.බී. ගංගොඩතැන්න , සුමේධ මිහිරාජ ඇතුළු විශාල රංගන ශිල්පීන් පිරිසක් එක්වී ඇත.

සුනෙත් මාලිංග ලොකුහේවා සමගින් ප්‍රියන්ත විදානපතිරණ තිර පිටපත රචනා කර ඇති මෙහි , කැමරා අධ්‍යක්ෂණයෙන් ගාමිණි  මොරගොල්ලාගම , අංග  රචනයෙන් චතුරිකා සඳමාලි, ඇඳුම් නිර්මාණයෙන් ප්‍රියාන් අනුර  ශ්‍රී , සංස්කරණයෙන් සහ දෘශ්‍ය ප්‍රයෝගකරණයෙන් සිනෙත් මාලක පතිරණ , ශබ්ද සංකලනයෙන් සශින් ගිම්හාන් පෙරේරා , වර්ණ සංකලනයෙන් ආනන්ද බණ්ඩාර සහ නිෂ්පාදන කළමනාකරණයෙන් ලක්රුවන් ලොකුහපුආරච්චි එක්වන " ඒක තමයි මේක " , ඉවෝක් රූපහල  ෆිල්ම්ස් සමගින් සංගීතා  ෆිල්ම්ස් නිෂ්පාදනය කරනු ලබයි.