මේවන විට කාන්තා නිදහස සහ අයිතීන් දිනාගනිමින් කාන්තාවට නිසි තැන ලැබී ඇති රටවල් බොහෝමයක් තිබුණත් තවමත් කාන්තාවන්ට ඔවුන්ගේ නිදහස අහිමිකල, රටවල් ද තිබේ. ඇෆ්ගනිස්තානය කියලා කියන්නෙත් එවැනි නීති තදින්ම ක්‍රියාත්මක වන රටවල් අතරින් එකක් බවට මේ වන විට පත්ව ඇත. ඒ ඔවුන්ට දරුණු ලෙස මුහුණ පෑමට සිදුව ඇති තලේබාන් නීතියත් සමඟයි.

ඒ අනුව තලේබාන් සංවිධානය විසින් එරට කතුන්ගේ නිදහස අහිමි වන සේ නීති බොහෝමයක් පනවා ඇති අතර මේ වන විට ඔවුන් එරට කාන්තාවන් වෙනුවෙන් රැගෙනවිත් ඇති අලුත්ම නියෝගය වී ඇත්තේ ඇෆ්ගනිස්තානයේ කාන්තාවන් වෙනුවෙන් ඇති සියලුම හිසකෙස් සහ රූපලාවන්‍යාගාර වසා දැමීමට කටයුතු කිරීමයි.

එමෙන්ම මේ වන විටත්, ඔවුන් නව යොවුන් කාන්තාවන්ට පන්ති කාමර, උද්‍යාන තුලට ඇතුලුවීම්, සහ ව්‍යායාම මධ්‍යස්ථාන ද තහනම් කර ඇති බවද සඳහන් වේ.

නයනා උදයංගනී