කාලය කොතරම් වේගයෙන් ගෙවී ගියත්, සමහර ඡායාරූපවල තැන්පත් වී ඇති මතක කිසිදා පැරණි වෙන්නේ නැහැ. 1985 වසරේ, මවක් වූ රෝසි සේනානායක සිය කුඩා පුතු සමඟ සිරිකත කවරය සරසමින් සිටි ඒ සුන්දර මොහොත…

එදා ඔහු මේ ලෝකයට පැමිණි අලුත්ම ජීවිතයක්. මවගේ උණුසුමට තුරුළු වී සිටි ඒ පුංචි පුතු, වසර 41කටත් එහා ගිය ඒ ඡායාරූපයේ අදටත් ජීවත් වන මතකයක් බවට පත්ව තිබෙනවා.

එදා කැමරාව ඉදිරියේ සටහන් වූ ඒ මොහොත, අද ඔහු අප අතරින් සමුගත් පසු වෙනස්ම අරුතක් ගන්නවා. එදා අනාගතය දෙස බලා සිටි පුංචි පුතෙක්…
අද මතකයක් පමණක් ඉතිරි කරමින් නිහඬව සමුගෙන ගොස් තිබෙනවා.

මවකගේ තුරුළේ සිටි ඒ පුංචි දරුවාගේ ඡායාරූපය, අද ඔහුගේ ජීවිතය මතකයට නංවන සංවේදී සටහනක් වී තිබීම දෛවයේ අපූරු හැරවුමක්.
වසර 41කට එහා ගිය ඒ මතකය අද නැවතත් සිරිකත අපට මතක් කරන්නේ…
කාලය ගෙවී ගියත්, ආදරණීය මතක කිසිදා මිය නොයන බවයි.

ඔහුට නිවන් සුව ලැබේවා.
මවටත්, පවුලේ සියලු දෙනාටත් මේ දුක්බර මොහොත දරාගැනීමට ශක්තිය ලැබේවා.

• අශන්ති වරුණසූරිය