ශ්‍රී ලංකා ක්‍රිකට් ආයතනය විසින් 04 වැනි වරත් සංවිධානය කරනු ලැබූ ලංකා ප්‍රිමියර් ලීග් (LPL) ක්‍රිකට් තරගාවලිය ආරම්භ කරමින් කොළඹ ආර්. ප්‍රේමදාස ක්‍රීඩාංගණයේ අද (30 වැනිදා) පැවැති පළමු තරගයෙන් කලම්බු ස්ට්‍රයිකර්ස් කණ්ඩායම පරාජය කර ලකුණු 21ක ජයක් ලැබීමට ජැෆ්නා කිංග්ස් කණ්ඩායම සමත්විය.

වත්මන් ශූරයන් වන ජැෆ්නා කිංග්ස් කණ්ඩායම පෙර අදියර ත්‍රිත්වයේද ශූරයෝ වෙති.

මෙහිදී ජැෆ්නා වෙතින් හිමි වූ ලකුණු 174ක ඉලක්කයට පිළිතුරු ලෙස කළම්බු කණ්ඩායමට පන්දුවාර 19.4කදී සියලු දෙනා දැවී රැස්කිරීමට හැකිවූයේ ලකුණු 152ක් පමණි. කළම්බු කණ්ඩායමේ ආරාධනයෙන් පළමුව පන්දුවට පහරදුන් ජැෆ්නා කිංග්ස් පන්දුවාර 20 අවසන් කළේ ලකුණු පුවරුවට ලකුණු 173/5ක් එක්කරමිනි.

තරගයේ වීරයා ලෙස කඩුලු 02ක් දවාලමින් හා උඩපන්දු දෙකක් රැකගනිමින් ජැෆ්නා දිනවීමට දායක වූ විජයකාන්ත් වියස්කාන්ත් සම්මාන දිනාගත්තේය.

සටහන - දමිත් වාසල