ඇඟේ shape එකට හරියටම හරියන Sportswear

ක‍්‍රීඩාව සහ ව්‍යායාම නිරෝගීමත් ක‍්‍රියාශීලීු ජීවිතයකට අත්‍යවශ්‍ය කොටසක්. ඒ නිසා ලස්සනට ඉන්නත්, සිරුරේ හැඩය නිවැරදිව පවත්වා ගන්නත් වගේම ක‍්‍රීඩාවේ යෙදෙනවිට තමන්ට වගේම බඅන් අයටත් තමන්ගේ සිරුර ප‍්‍රසන්න විදියට පෙනෙන්න, ඒ සඳහා සුදුසුම ඇඳුම තෝරා ගැනීම වැදගත්. ඒ නිසා තමන්ගේ ඇඟේ ෂේප් එකට හරියටම හරියන විදියට Sportswear තෝරාගන්නේ කොහොමද කියලයි අද කතාබහ.

Rectangle body shape

උරහිස්, ඉණ සහ උකුළ සාමාන්‍ය වශයෙන් එකම පළලකින් යුක්ත නම් එවැනි හැඩයේ සිරුරක් අයිති වෙන්නේ රෙක්ටෑන්ගල් බොඩි ෂේප් කාණ්ඩයටයි.

Tops – ඔබට ඇත්තේ රෙක්ටෑන්ගල් හැඩයේ සිරුරක් නම් එහි කවාකාර පෙනුම වඩාත් හොඳින් රැකගැනීමට, රවුම් කර සහිත ඇඳුම් (crew neck T-shirts / Activeshrug)/ රැලි සහිත හැඩගැන්වීම් කර ඇති ක‍්‍රීඩා ඇඳුම් (ruched crop top with crewneck)ගනකමින් වැඩි පැඩඞ් බ‍්‍රා ඇඳීමෙන් සිරුරේ හැඩයට තවත් කවාකාර හැඩ එකතු කර ගැනීම පහසුයි.

Bottoms –  මෙහිදී උඩුකය ඇඳුමට වඩා වෙනස්, ප‍්‍රතිවිරුද්ධ වර්ණයකින් ඉණ කොටස ඉස්මතු කර දැක්වෙන හෝ උකුළ ආශ‍්‍රිතව වැඩි ස්ථර ප‍්‍රමාණයක් දැක්වෙන ආකාරයේ විලාසිතාවේ බොටම්වලට වැඩි අවධානයක් දිය යුතුයි.

Inverted Traingle body shape

පළල් උරහිස්, කුඩා පපු ප‍්‍රදේශය, ඉතා කුඩා ඉණ සහ උකුළ ප‍්‍රදේශයක් සහිත සිරුර අයිති වන්නේ Inverted Traingle හැඩයටයි.
එහිදී සිරුරේ පහළ කොටස කවාකාර ලෙෂ පෙන්වීම වඩා වැදගත් වේ.

Tops – මෙවැනි හැඩයේ සිරුරට සරල වර්ණවලින් යුතු ක‍්‍රීඩා ඇඳුම් ඉණ පෙදෙස ඉස්මතු කර පෙන්වයි. ගනකම් පටි සහිත tops/sports bra උරහිස් කුඩා කර පෙන්වයි. Bottoms – පහළ කොටස සඳහා දීප්තිමත් වර්ණවලින් උකුළ ප‍්‍රදේශය, සාක්කු නිර්මාණය කර ඇති wide leg
yoga pants තෝරාගන්න. ඇඳුම දෙපස ඉරි සහිත රටාවලින් යුතු ඇඳුම් වඩාත් සුදුසු වේ.

Pear body shape

Pear body shape සිරුරේ පපු ප‍්‍රදේශය උකුළ ප‍්‍රදේශයට වඩා පළලින් යුක්තය. ඒ නිසා කළ යුත්තේ අවධානය උඩුකයට නැඹුරු කර ගැනීමයි.

Tops – ඒ නිසා පළලින් වැඩි ඉදිරිපස ගැඹුරින් වැඩි කරක් (Scoop neck) සහිත ක‍්‍රීඩා ඇඳුම් වඩාත් යෝග්‍ය වේ. උදා- Tank
tops' දීප්තිමත් වර්ණවලින් යුතු උඩුකය ඇඳුම්ද යෝග්‍ය වේ.

Bottoms - තද පැහැති, සරල මෝස්තර සහිත ඇඳුම් උචිත වේ. ඉණ තරමක් උසින් අවසන් වන (high waisted) legging කලිසම් හෝ කකුල පළල් කලිසම් boot cut legging ඇඳීමෙන් උකුළේ පළල් ස්වභාවය නිසා ඇතිවන අසාමාන්‍ය හැඩ සැඟවීමට හැකියාව තිබේ. කෙසේවුවත් මේ අය ළා පැහැති legging කලිසම්/ඉණ විශාල tops ඇදීමෙන් වැළකිය යුතුය.

Hourglass body shape

පපු ප‍්‍රදේශය සහ උකුළ සමාන පළලකින් යුතු අතර සාපේක්ෂව ඉණ කුඩා වේ. ඒ නිසා ස්වාභාවික කවාකාර හැඩ ඉස්මතු කර දැක්වීම පමණක් කළ යුතුය.

Tops - උකුළට උඩින් අවසන් වන tops" V හැඩැති කර සහිත tops වඩාත් සුදුසු වේ. රැ මුළු ශරීරයම ආවරණය වන catsuit ද ගැළපෙයි.

Bottoms  - කුඩා ඉණ ප‍්‍රදේශයට අවධානය ලබා ගැනීම වඩාත් වැදගත් වේ. එම නිසා ඉණ ඉහළින් අවසන්
වන (high waisted) legging ඇඳීමෙන් ඉණෙහි කුඩා ස්වභාවය ඉස්මතු කර දැක්විය හැකිය. ඉණ විශාල tops හෝ ඉතා තද
bottom ඇඳුම් ඇඳීමෙන් වළකින්න.

Apple body shape

පපු පෙදෙස හා ඉණ පුළුල් වුව ද කුඩා සිහින් පාද තිබීම Apple body shape සිරුරේ ස්වභාවයයි. එම නිසා සිරුරේ පහළ කොටසට වැඩි අවධානයක් ලබා දී කවාකාර හැඩ ඉස්මතු කිරීමට පහත උපක‍්‍රම අනුගමනය කළ හැකිය. Tops - සැහැල්ලූ නමුත් ඉණට පහළින්
රැලි කර ඇති හෝ ගැට ගසා ඇති cinched tops කදිමය. V හැඩැති කර ද ඉතා යෝග්‍ය වේ. Bottoms  - සිරුරට තද වූ Capri tight වඩා උචිත වේ. එහෙත් පුළුල් කකුල් සහිත කලිසම් ඇඳීමෙන් වළකින්න. එවැනි කලිසම් මගින් ඔබගේ කවාකාර හැඩ ඉස්මතුවීමට බාධා පමුණුවයි.

Diamond body shape

Diamond body හැඩයේ සිරුරේ ඉණ ඇතුළුව සිරුරේ මධ්‍යම ප‍්‍රදේශය පුළුල් නමුන් කකුල් සිහින්ය. දිගැටිය. එම නිසා සිරුරේ මධ්‍යම ප‍්‍රදේශය දිගු කර පෙන්වන ක‍්‍රීඩා ඇඳුම් යෝග්‍ය වේ.

Tops - අත් රහිත කර පුළුල් tops (උදා- Tank tops/long line bra) ඕනෑම
වර්ණයකින් මෙම සිරුරට ගළපාගත හැකි වේ. එහෙත් ඇඟට හිර ඇඳුම් ඇඳීමෙන් වළකින්න.

Bottoms -ඉණ ප‍්‍රදේශයට අමතර සහයෝගයක් දිය හැකි (උදා -cross over waist) දිගු රටා හෝ මෝස්තරවලට නිර්මාණය කළ legging/short කලිසම් වඩාත් සුදුසු වේ. 
සුවපහසු, පපුවට අමතර සහයක් ලබා දෙන fok sport bra එකක් සැමවිටම තෝරාගන්න.
හොඳින් දහඩිය දමමින් දිගු වේලාවක් ව්‍යායාම්වල නිරත වේ නම් කපු ක‍්‍රීඩා ඇඳුම් ඇඳීමෙන් වළකින්න. දහඩිය උරාගැනීම නිසා එම කපු ඇඳුම් තවත් බර වී අපහසුවක් ගෙනදෙයි.
තමන් කරන ව්‍යායාම්/ක‍්‍රීඩා අනුව පහසු, කල් පැවැත්මක් ඇති ක‍්‍රීඩා ඇඳුම් තෝරාගන්න.

Wod-Squat වැනි ව්‍යායාම සඳහා කකුල් පහසුවෙන් පුළුල් කළ හැකි legging වැනිකලිසමක් තෝරාගන්න.

සටහන - නයනා උදයංගනී

පැටියා අතේම තියාගෙන තියාගෙන ඉන්න අම්මලාට Read Previous

පැටියා අතේම තියාගෙන තියාගෙන ඉන්න අම්මලාට

මේ සතිය -  ජූනි 24 සඳුදා සිට  ජූනි 30 ඉරිදා දක්වා Read Next

මේ සතිය - ජූනි 24 සඳුදා සිට ජූනි 30 ඉරිදා දක්වා

Realted Post

Leave a comment