තරුණකම රැකගෙන වයසට නොයා ඉන්න උදව් වන රහස් ආහාර 6ක්

තරුණ බව සහ නිරෝගීකම කියන්නේ අපේ ජීවිත කාලය පුරාම රැකගන්න කැමති දෙයක්. වයස්ගත වීම ස්වභාවික ක්‍රියාවලියක් වුණත්, අප ගන්නා ආහාර රටාව මඟින් සිරුරේ රැළි වැටීම් පාලනය කරලා, සමේ පැහැපත් බව සහ තරුණ පෙනුම දිගුකාලීනව පවත්වා ගන්න පුළුවන්.

ඔබේ තරුණකම සදාකල් රැකගන්න උදව් වන, අපට පහසුවෙන් සොයාගත හැකි සුපිරි ආහාර 6ක් සහ ඒවායේ ඇති ගුණාංග ටිකක් අද අපි කතා කරමු

 

1. වට්ටක්කා (Pumpkin)

වට්ටක්කා කියන්නේ සමේ තරුණ බව රැකදෙන අපූරු එළවළුවක්. මෙහි අඩංගු **බීටා-කැරොටින් (Beta-carotene)** ශරීරයට ඇතුළු වූ පසු විටමින් A බවට පත් වෙනවා. එය හිරු එළියෙන් සමට සිදුවන හානිය අවම කර, සමේ රැළි වැටීම පාලනය කරයි. එසේම මෙහි ඇති විටමින් C මඟින් සමේ ඇදෙනසුලු බව (Elasticity) රැකදෙන කොලජන් වර්ධනය කරවයි.

 2. ගස්ලබු (Papaya)

ගස්ලබු කියන්නේ ප්‍රතිඔක්සිකාරක (Antioxidants), විටමින් සහ ඛනිජ ලවණවලින් පිරුණු පලතුරක්. මෙහි ඇති **පැපේන් (Papain)** නම් එන්සයිමය මඟින් සමේ මැරුණු සෛල ඉවත් කර, සමේ පළුදු වීම් සුවපත් කරයි. නිතිපතා ගස්ලබු ආහාරයට ගැනීමෙන් සම මෘදු හා දීප්තිමත් වන අතර වයස්ගත පෙනුම ඈත් කර තබයි.

3. කොමඩු (Watermelon)

සම වියළීම කියන්නේ වයස්ගත පෙනුමක් ඉක්මනින්ම මතු වීමට ප්‍රධාන හේතුවක්. කොමඩුවල 92%ක්ම අඩංගු වෙන්නේ ජලයයි. එමඟින් සම නිරන්තරයෙන් තෙතමනයෙන් (Hydrated) යුතුව තබනවා. මීට අමතරව කොමඩුවල ඇති **ලයිකොපීන් (Lycopene)** නම් ප්‍රබල ප්‍රතිඔක්සිකාරකය සම වයසට යාම වළක්වන පලිහක් ලෙස ක්‍රියා කරයි.

 4. රටඉඳි (Dates)

ශරීරයේ සෛල අලුත්වැඩියා කිරීමට සහ ශක්තිය ලබාදීමට රටඉඳි කදිම ආහාරයකි. මෙහි අඩංගු ප්‍රතිඔක්සිකාරක මඟින් ශරීරයේ ඇතිවන නිදහස් රැඩිකලුන් (Free Radicals) නිසා සෛලවලට සිදුවන හානිය වළක්වයි. රටඉඳි නිතිපතා ආහාරයට ගැනීමෙන් සමේ නම්‍යශීලී බව වැඩි වී, මුහුණේ ඇතිවන සිහින් රැළි මකා දමයි.

5. රතු කැකුළු බත් (Red Raw Rice)

නිවුඩ්ඩ සහිත රතු කැකුළු බත්වල විටමින් B බහුලව අඩංගු වන අතර, එය සිරුරේ සෛලවල ක්‍රියාකාරිත්වය සහ සමේ සෞඛ්‍යය මනා ව පවත්වා ගැනීමට උදව් වේ. සුදු බත් වෙනුවට රතු කැකුළු බත් ආහාරයට ගැනීමෙන් ශරීරයේ සීනි මට්ටම පාලනය වන අතර, එය සම එල්ලා වැටීම සහ වයස්ගත වීම පාලනය කිරීමට සෘජුවම දායක වේ.

 6. වතුර (Water)

තරුණකම රැකගන්න තියෙන ලාභදායී සහ වැදගත්ම රහස තමයි ප්‍රමාණවත් පරිදි වතුර බීම. දිනකට වතුර ලීටර් 2-3ක් පානය කිරීමෙන් සිරුරේ ඇති විෂ ද්‍රව්‍ය (Toxins) පිටතට ගලා යයි. එමඟින් සම ඇතුළාන්තයෙන්ම පිරිසිදු වී, ස්වභාවික දිදුලන පෙනුමක් ලැබෙන අතර සම රැළි වැටීම සම්පූර්ණයෙන්ම පාහේ පාලනය කරයි.

මිල අධික රූපලාවන්‍ය නිෂ්පාදන පස්සේ යනවා වෙනුවට, ඔබේ දෛනික ආහාර වේලට මේ ස්වභාවික ආහාර එකතු කරගන්න. නිරෝගී ආහාර රටාවත් සමඟ සිනහවෙන් සහ සතුටින් සිටීම ඔබේ තරුණකම තවත් වැඩි කරවන බව අමතක කරන්න එපා!

Be beauty රූ සිරිකත

සටහන - අංජු බණ්ඩාර 

සිරිකත ඔන්ලයින් යූ ට්යුබ්   නාලිකාව ඇසුරෙන්