ශකිරා ඉසබෙල් මෙබරක් රිපෝල්, ලොවපුරා “Shakira” ලෙස හැඳින්වෙන ඇය, සංගීත ලෝකයේ ජනප්‍රියතාවයට පමණක් සීමා නොව, අවංක උත්සාහය, දැඩි කැමැත්ත සහ අරමුණු පසුපස නොහැරීමේ උදාහරණයක් බවට පත්වී ඇත. කොලොම්බියාවේ Barranquilla නගරයේ සිට ලොව ප්‍රකට වේදිකාවන් වෙත ළඟා වීමේ ඇගේ ගමන, අපට මතක් කරවන්නේ නිපුණතාවයට අමතරව, ස්වයං විශ්වාසය සහ අඛණ්ඩ කැපවීම ජයගැනීමට කදිම මාර්ගය බවයි.

ළමා වියේ සිටම, ශකිරාට සංගීතයට අසාමන්‍ය ආශාවක් සහ කැපවීමක් තිබුණි. ඇය අවුරුදු අටේදීම පළමු ගීත රචනා කරන අතර, මිතුරන් සහ පවුලේ සැලසුම් වල ආකර්ෂණය මතවත්, ඇයගේ අරමුණ අත්නොහැරීමේ ශක්තිය අපට පෙන්නුම් කරයි.

ඇගේ සංගීත ජීවිතය අභියෝග මැදින් ජයගැනීමේ ගමනකි. ආරම්භක ඇල්බම් ලොවපුරා ජනප්‍රිය වීමට සංස්කෘතිය, භාෂා පරාස සහ දක්ෂතා තරඟය ආදී බාධක එළඹුණි. එහෙත් ශකිරා සෑම අභියෝගයක්ම අලුත් ආකාරයට මුහුණදීම සහ  නිර්මාණශීලීව අභියෝග ජය ගැනීමේ ශක්තිය පෙන්නුම් කළා. ඇයගේ සංගීතය ලතින් සංගීත රිද්ම සහ ජාත්‍යන්තර පොප් සංගීතය එක්ක මිශ්‍ර කිරීම, අනුවර්තනය සහ නවෝත්පාදනයේ වැදගත්කම අපට සිහිපත් කරනවා. 

ශකිරාගේ ජීවිතයේ ඇගයිය නොහැකි තවත් ආකර්ෂණීය පරිශීලනය තමන් ජයගත් පසු, අනෙක් අයට ආධාර උපකාර කිරීමයි. ඇගේ “Barefoot Foundation” හරහා, කොලොම්බියාවේ දුප්පත් දරුවන්ට අධ්‍යාපන සහ අවස්ථා ලබා දී ඇය පෙන්වන්නේ සැබෑ ජයග්‍රහණය පමණක් පුද්ගලික ජය නොව, සමාජයට කරන දායකත්වය බවයි.

ශකිරා අපට කියන්නේ අභියෝග, බාධා නොව, පියවර මඟ පෙන්වන්නන් බවයි. කැපවීම, නිර්මාණශීලීභාවය සහ දයාබරභාවය ජයගැනීමේ මඟයි. වේදිකාවෙන් හෝ ඩිස්ක් රෙකෝඩින් කාමරයෙන් හෝ, ඇගේ ජීවිතය අපට මතක් කරවන්නේ කැපවීමෙන්, උත්සාහයෙන් සහ දැඩි අරමුනක් ඇත්නම් අපිට අපේ ජීවිත ජයගත හැකි බවයි.

ඔබේ ජීවිතයට අභියෝග ආවත් ඔබ ඔබේ ජීවිතය අත්හැරගත යුතු නැහැ. ශකිරා වගේම ඔබටත් උද්යෝගය සහ දක්ෂතාවය ඇත්නම් ලෝකයම වෙනස් කළ හැකියි. 

සටහන - කසුනි විජේසිංහ