දෙල්වලින් කැරමල් පුඩින් එකක් හදමුද?
දෙල් කැරමල් පුඩින්
අවශ්‍ය ද්‍රව්‍ය
- කුඩාවට කපා ගත් දෙල් කෝප්ප 2 ක්
- බිත්තර 4 ක්
- වැනිලා තේ හැඳි 2 ක්
- රස අනුව ලුණු
- සීනි මේස හැඳි 4 ක් (කැරමල් සීනි සාදා ගැනීම සඳහා).
- සීනි අඩු කෝප්ප 1 ක්
- තෙල් කඩදාසියක්
සාදන අයුරු
- දෙල්වලට වතුර භාගයක් එකතු කර හොඳින් බ්ලෙන්ඩර් කරගෙන පෙරාගන්න.
- එම දෙල් මිශ්‍රණයට සීනි, ලුණු දමා හොඳින් ගසා ගත් බිත්තර, වැනිලා එකතු කර කලවම් කරගන්න.
- සීනි මේස හැඳි 4 කැරමල් කරගන්න. කැරමල් කරගන්නා ලද සීනි ටික අලුත් වීදුරු භාජනයකට දමා එයට දෙල් මිශ්‍රණය දමා බඳුනේ කට තෙල් කඩදාසියකින් ආවරණය කරගන්න.
- මෙය මිනිත්තු 30 ක පමණ කාලයක් හුමාලයෙන් තම්බා ගන්න. මෙය නිවුණු පසු ශීත කරණයේ තබන්න.
සටහන - මහේෂානි මීගහපොල
උපදෙස් - ගෘහ විද්‍යා ආචාරිනී, ප්‍රවීණ සූපවේදිනී දිලුක්ෂි කුමාරසිරි
Leave a comment