රසම රස  පපායා ක්‍රීම් සුප් එකක් රස බලමුද? මේ රසවත් කෑම එක හදාගන්න හරිම ලේසියි. හරිම රසයි. ඒ වගේම හරිම ගුණදායකයි.

අවශ්‍ය ද්‍රව්‍ය

• කැබලි කරගත් පැසුණු ගස්ලබු ග්‍රෑම් 100 ක් 
• කුඩාවට කැපූ සුදුලූණු ග්‍රෑම් 10 ක්
• කුඩාවට කැපූ ලූණු ග්‍රෑම් 15 ක්
• කැබලි කරගත් ගස්ලබු ග්‍රෑම් 10 ක්
• බටර් මේස හැඳි 01 ක්
• පාන් පිටි තේ හැඳි 01 ක්
• නැවුම් කිරි අඩුකෝප්ප 1/2 ක්
• කුඩාවට කැපූ පාස්ලි ග්‍රෑම් 10 ක්
• වෙජිටබල් ස්ටොක් අඩු කෝප්ප 01 ක්

සාදන අයුරු

• ගස්ලබු, වෙජිටබල් ස්ටොක් දමා හොඳින් බ්ලෙන්ඩර් කරන්න. භාජනයක් ලිප තබා පාන් පිටි, බටර්, කිරි එකතු කර වයිට් සෝස් එකක් ලෙස සාදා ගන්න.
• නැවත අලුත් භාජනයක් ලිප තබා බටර් ස්වල්පයක් එකතු කර රත් වූ පසු සුදුලූණු එකතුකර යාන්තමට තෙම්පරාදු කරගන්න.
• පෙර බ්ලෙන්ඩර් කරගත් ගස්ලබු මිශ්‍රණය සහ වයිට් සෝස් මිශ්‍රණය එකතුකර රස අනුව ලුණු, ගම්මිරිස් එකතු කර සුප් එක සාදා ගන්න. 
• ඉන් පසුව ලිපියෙන් ඉවත්කර පාස්ලි එකතු කරන්න. 

ඔබ වයිට්  සෝස් එකතු නොකරනවානම් Cooking ක්‍රීම් වර්ගයක් එකතු කර ගැනීමට පුළුවනි.

 

සටහන: මහේෂානි මීගහපොල.

උපදෙස්: දේශීය ආහාර සහ කේක් නිර්මාණ ශිල්පිණි, සූපවේදනී,ජෙනෙව්රා දාබරේ.