Durian Lovers

මේ දූරියන් වාරය යි. රස ගුණ පිරි කෑම වට්ටෝරු කිහිපයක් දූරියන්වලින් සාදාගන්නා ආකාරය යි මේ, දූරියන් ලවර්ස්ලා ට නම් මේ රෙසිපි විශේෂයි.

අමු දූරියන් මාළුව

අවශ්‍ය ද්‍රව්‍ය

අමු දූරියන් ගෙඩි 1 ක්
ලුණු මේස හැඳි 2ක්
මිරිස් කුඩු තේ හැඳි 1ක්
කහ කුඩු තේ හැඳි 1ක්
තුනපහ කුඩු මේස හැඳි 1ක්
සියඹලා යුෂ මේස හැඳි 1ක්
ඉඟුරු කුඩා කැබැල්ලක්
සුදු ලූනු ගෙඩි 1ක්
රම්පෙ කැබැල්ලක්
බී ලූනු ගෙඩි 1ක්
කුරුඳුපොතු කුඩා කැබැල්ලක්
කරපිංචා ඉති 1ක්

සාදාගන්නා ආකාරය

දූරියන් ගෙඩියේ මදුළු වෙන්කරගෙන සිහින්ව කපා ගන්න. ඉන්පසු එය උණු කරගත් වතුර භාජනයකට දමන්න. එයට ලුණු සහ කහ ස්වල්පයක් දමා විනාඩි 15ක් පමණ වසා තබන්න.

තාච්චියක් ගෙන ලිප තබා තෙල් ස්වල්පයක් දමා එයට අඹ ඇට දමන්න. ඉන්පසු බීලූනු, කුරුඳුපොතු, ඉඟුරු, සුදුලූනු, රම්පෙ දමා රන්පැහැ වනතෙක් බැදගන්න. ඉන්පසු දූරියන් මදුළුවල වතුර ඉවත්වන තෙක් හොඳින් මිරිකාගෙන භාජනයකට දමා ගන්න. ඉන්පසු එයට කහ, මිරිස්කුඩු තුනපහ කුඩු, සියඔලා යුෂ දමා හොඳින් කවලම් කර මුලින් සාදාගත් තෙම්පරාදුවට දමා කවලම් කර මඳ රස්නෙන් ඉදෙනතුරු වසා තබන්න.

දූරියන් ඇට චිප්ස්

අවශ්‍ය ද්‍රව්‍ය

දූරියක් ඇට කිහිපයක්
බැද ගැනීමට තෙල් බෝතල් 1/ 2 ක්
ලුණු රස අනුව
කහකුඩු තේ හැඳි 1/ 2 ක්

සාදාගන්නා ආකාරය

දූරියන් ඇට තම්බාගන්න. එහි පොතු ඉවත්කර පෙති කපාගන්න. රස අනුව ලුණු දමා හොඳින් මිශ්‍ර කර තෙලේ බැඳගන්න. ඉන්පසු ලුණු කුඩු, මිරිස් කුඩු දමා හොඳින් මීශ්‍ර කර ආහාරයට ගන්න.

දූරියන් පුඩිම

අවශ්‍ය ද්‍රව්‍ය

ඉදුණු දූරියන් ගෙඩි 1ක්
වැනිලා එසන්ස් තේ හැඳි 1/ 2ක්
ජෙලටින් තේ හැඳි 1ක්
ටින්කිරි මේස හැඳි 3ක්
රස අනුව ලුණු
කිරි වීදුරු 1ක්
කජු ඇට කිහිපයක්

සාදාගන්නා ආකාරය

දූරියන් මදුළුවල ඇට ඉවත්කොට බ්ලෙන්ඩරයට දමා එයට වැනිලා මිල්ක්මේඩ් ලුණු, කිරි දමා හොඳින් බ්ලෙන්ඩ් කරගන්න. ඉන්පසු එයට දිය කරගත් ජෙලටින්, කුඩු කරගත් කජු දමා හොඳින් කවලම් කර ගැඹුරු භාජනයකට දමා ශීතකරණයේ පැය දෙකක් පමණ තබා ආහාරයට ගන්න.

දූරියන් ඇට ඔම්ලට්

අවශ්‍ය ද්‍රව්‍ය

දූරියන් ඇට කිහිපයක්
ජලය අඬු කෝප්ප 1/2ක්
බීලූනු ගෙඩි 1ක්
අමු මිරිස් කරල් 2ක්
ගම්මිරිස් කුඩු තේ හැඳි 1/2ක්
කහ කුඩු තේ හැඳි 1/2ක්
ලුණු රස අනුව

සාදාගන්නා ආකාරය

දූරියන් ඇට හොඳින් සෝදා පොතු ඉවත්කර කුඩා කැබලිවලට කපා ගන්න. ඉන්පසු කපා ගත් දුරියන් ඇට බ්ලෙන්ඩ් එකට දමා ක්‍රීම් එකක් ආකාරයට හොඳින් බ්ලෙන්ඩ් කරගන්න. ඉන්පසු එය භාජනයට දමා ලූනු, අමුමිරිස්, ගම්මිරිස් කහ කුඩු ලුණු දමා හොඳින් කවලම් කරගන්න. පසුව පෑන් එකක් ලිප තබා අඩු ගින්දරේ තම්බාගන්න.