• අල බැඳුමක් සාදන විට ඉඟුරු ,සුදුලූණු සමග එනසාල් ඇට දෙක තුනක් ද අඹරා තෙලට දමා රන්වන් පාට වන තෙක් බැදගන්න හැර අල මිශ්‍ර කරන්න. ප්‍රණීත රසයක් එක් කරයි. 

• වට්ටක්කා ,කැකිරි, පිපිඤ්ඤා වැනි එළවළු කිරට පිසින විට පොල්, සූදුරු, සුදුලූණු, අබ සමග ගම්මිරි ඇට කිහිපයක්ද අඹරා දැමීමෙන් රසය වැඩිවේ.

 

• උණු වතුරට දෙහි මිශ්‍ර කරන විට දෙහිවල ඇති විටමින් "සී"  විනාශ වන බැවින් දෙහි පානයක් ලෙස සකස් කරන විට උණු කර නිවාගත් වතුර පාවිච්චි කරන්න. 

 

• පොළොස් ඇඹුල් පිසීමේදී පොලොස් කැබලි සෝදන වතුරට කහ ස්වල්පයක් දියකරන්න. පොළොස් ඇඹුල හොඳ පැහැයක් ගනියි. 

 

• මුං ඇට ,කඩල ,පරිප්පු වැනි ධාන්‍ය වර්ග වල ගුල්ලන් බෝවීම වැළැක්වීමට ඒවා අසුරන භාජනවලට කොහොඹ කොළ දමන්න.

 

• මුඩු වූ පොල්තෙල් හෝ දුන් තෙල් වලට බත් ඇට කිහිපයක් දමා රත් කර ගැනීමෙන් මුඩු ගතිය ඉවත්වෙයි.

 

• මාලු මිරිස් කිරට පිසින විට සූදුරු ටිකක් අඹරා දැමීමෙන් රසය වැඩිවේ. 

 

• කරවිල මාළුවට උළුහාල් යෙදීම අවශ්‍ය නැත. එහෙත් බටු, මෑ වැනි වාතයේ සහ සෙම වඩවන එළවළු පිසින විට උළු හාල් අනිවාර්යෙන්ම එක් කරන්න. 

 

•  දොඩම් ගෙඩියක් විනාඩි පහක් පමණ උණු වතුරේ ගිල්ලා තැබීමෙන් පහසුවෙන් ලෙලි ගසා පින් ගලවා ගත හැක. 

 

•  බත් මුට්ටියේ පැත්තක් ඉදී ඇත්නම් කෙසෙල් කොළයකින් වසා ටික වෙලාවක් ලිප තබන්න. නැතිනම් වියළි මිරිස් කරල් කිහිපයක් බත්වල ගසා ටික වෙලාවක් තබන්න. 

 

• බිත්තර සුදු මදය ගසා ගැනීමේදී තෙල් හෝ වතුර මිශ්‍ර වුවහොත් එය කොතෙක් වෙලා ගසා ගත්තත් පෙන එමසිදු නොවේ. එම නිසා බිත්තර තම්බන වතුරට විනාකිරි බින්දු දෙක තුනක් එක් කරන්න. 

 

•  ඇලුමිනියම් භාජන වල බිත්තර තම්බන විට කළු පැහැ ගැනීමක් සිදුවේ. ඒ නිසා බිත්තර තම්බන වතුරට විනා කිරි බිංදු දෙක තුනක් එක් කරන්න

 

සටහන - මහේශානි මීගහපොළ. 

ඉදිරිපත් කිරීම - ප්‍රවීණ සූපවේදිනී. 
දිලුක්ෂි කුමාරසිරි.