ඔබේ මුහුණ කුරුලෑ නිසා අඳුරු ලප සහ කැළැල් තිබෙනවාද? ඒවා ඔබට මානසික පීඩනයක් ඇති කරනවාද? සමේ පැහැය හා දීප්තිය වැඩි කරගැනීමට නිවසේදීම සිදු කළ හැකි සරල සත්කාර කිහිපයක් මෙන්න.

ගස්ලබු සහ මී පැණි සත්කාරය

හොඳින් ඉදුණු ගස්ලබු තේ හැඳි 2කට මී පැණි තේ හැඳි 2ක් එක්කර හොඳින් මිශ්‍ර කරගන්න. එය මුහුණේ ආලේප කර විනාඩි 10ක් පමණ තබන්න.

පසුව මඳ උණුසුම් ජලයෙන් සෝදා ඉවත් කර, මෘදුව තෙත මාත්තු කර මොයිස්චරයිසර් ආලේප කරන්න.

ගස්ලබු සහ යෝගට් සත්කාරය

ඉදුණු ගස්ලබු තේ හැඳි 2කට යෝගට් තේ හැන්දක් එක්කර මිශ්‍ර කරගන්න. මෙම මිශ්‍රණය මුහුණේ සහ බෙල්ලේ ආලේප කර විනාඩි 10ක් පමණ තබන්න.

මඳ උණුසුම් ජලයෙන් සෝදා ඉවත් කර, තෙත මාත්තු කර මොයිස්චරයිසර් ආලේප කරන්න.

ගස්ලබු, කඩල පිටි සහ කෝමාරිකා සත්කාරය

ඉදුණු ගස්ලබු තේ හැඳි 2ක්, කඩල පිටි තේ හැන්දක් සහ කෝමාරිකා යුෂ තේ හැන්දක් මිශ්‍ර කරගන්න.

මෙය මුහුණේ ආලේප කර විනාඩි 10ක් පමණ තබා මඳ උණුසුම් ජලයෙන් සෝදා ඉවත් කරන්න. පසුව තෙත මාත්තු කර මොයිස්චරයිසර් ආලේප කරන්න.

සහල් සේදූ ජලය සහ කෝමාරිකා සත්කාරය

සහල් සේදූ ජලය තේ හැඳි 2ක් සහ කෝමාරිකා යුෂ තේ හැන්දක් මිශ්‍ර කර මුහුණේ ආලේප කරන්න.

විනාඩි 10ක් පමණ තබා මඳ උණුසුම් ජලයෙන් සෝදා ඉවත් කර, තෙත මාත්තු කර මොයිස්චරයිසර් ආලේප කරන්න.

කෝමාරිකා, කහ සහ මුල්තানি මිටි සත්කාරය

කෝමාරිකා යුෂ තේ හැන්දක්, කහ කුඩු ස්වල්පයක් සහ මුල්තানি මිටි තේ හැඳි භාගයක් මිශ්‍ර කරගන්න.

එය මුහුණේ ආලේප කර විනාඩි 10ක් පමණ තබා මඳ උණුසුම් ජලයෙන් සෝදා ඉවත් කරන්න. පසුව තෙත මාත්තු කර මොයිස්චරයිසර් ආලේප කරන්න.

කෝමාරිකා, මී පැණි සහ ඕට්ස් සත්කාරය

කෝමාරිකා යුෂ තේ හැඳි 2ක්, මී පැණි තේ හැන්දක් සහ සිහින්ව අඹරාගත් ඕට්ස් පිටි තේ හැඳි භාගයක් හොඳින් මිශ්‍ර කරගන්න.

මෙම මිශ්‍රණය මුහුණේ ආලේප කර විනාඩි 10ක් පමණ තබා මඳ උණුසුම් ජලයෙන් සෝදා ඉවත් කරන්න. තෙත මාත්තු කර මොයිස්චරයිසර් ආලේප කරන්න.

කෝමාරිකා, මී පැණි සහ සහල් සේදූ ජලය

කෝමාරිකා යුෂ තේ හැඳි 2ක්, මී පැණි තේ හැන්දක් සහ සහල් සේදූ ජලය තේ හැඳි භාගයක් මිශ්‍ර කරගන්න.

එය මුහුණේ ආලේප කර විනාඩි 10ක් පමණ තබා මඳ උණුසුම් ජලයෙන් සෝදා ඉවත් කරන්න. පසුව තෙත මාත්තු කර මොයිස්චරයිසර් ආලේප කරන්න.

සත්කාර කිරීමේදී මතක තබාගන්න

සතියකට දින දෙකක් පමණ මෙවැනි ආලේපන භාවිත කිරීම ප්‍රමාණවත් වේ. ආලේපන ඇස් සහ තොල් අවට නොගැල්වීමට වගබලා ගන්න.

එමෙන්ම, මෙවැනි සත්කාර කිරීමෙන් පසු තද හිරු එළියට සෘජුව නිරාවරණය වීමෙන් හැකිතාක් වළකින්න.

නව ආලේපනයක් භාවිත කිරීමට පෙර සමේ කුඩා ප්‍රදේශයක ආලේප කර සංවේදීතාවක් ඇතිවේදැයි පරීක්ෂා කර බැලීමද සුදුසුය.

මෙම සත්කාරවලින් ලැබිය හැකි අමතර වාසි

නිසි ලෙස භාවිත කිරීමෙන්,

• මැරුණු සම ඉවත් කිරීමට උපකාර වීම.
• සම වඩාත් සුමුදු බවට පත් කිරීම.
• සමේ දීප්තිය වැඩි කිරීමට උපකාර වීම.
• සමේ ඒකාකාරී පෙනුමක් පවත්වා ගැනීමට උපකාර වීම.
• සමේ තෙතමනය පවත්වා ගැනීමට උපකාර වීම.
• අඳුරු ලප සහ කැළැල්වල පෙනුම අඩු කිරීමට උපකාර වීම.

වැනි ප්‍රතිලාභ ලබාගත හැකියි.

ලස්සන සමක් යනු එක් දිනකින් ලබාගත හැකි දෙයක් නොවේ. නිසි සත්කාරය, පිරිසිදුකම සහ සමට ගැළපෙන ආරක්ෂිත පුරුදු අඛණ්ඩව පවත්වා ගැනීමයි වැදගත්.

සටහන – මහේෂානි මීගහපොල
උපදෙස් – රූපලාවණ්‍ය ශිල්පිනී වසන්තා සුදර්ශනී හේරත්