ඇය ජගත් විචාරකයන්ගේ සම්භාවනාවට පාත්‍රවන්නේ මුස්ලිම් ලෝකයේ නොපනත්කම් පිළිබඳ ලියූ නිසාවෙනි. ඇය ලියූ ග්‍රන්ථ ඇගේ මව් භාෂාව වූ බෙංගාලි බසින් ද හින්දි, මරාති, මලයාලම්, ඉංග්‍රීසි, ප්‍රංශ, ජර්මන්, ස්පාඤ්ඤ, ස්වීඩන්, අරාබි භාෂාවලින් ද පළවී තිබේ. 

ඈ ලියූ ග්‍රන්ථ අතර Oporpokkho (The Opponent) 1992  Shodh (Revenge) 1992 Nimontron (invitation) 1993 Phera (Return) 1993 BhromorKoioGia (Tell him the Secret& 1994 Lajja)  Shame& ForashiPremik (French love) යන ග්‍රන්ථ ප්‍රධාන වේ.

ඇය තරම් මුස්ලිම් ලෝකයේ වෛරයට පාත්‍ර වූ රචිකාවක් සොයා ගැනීම දුර්ලභය. ඇය ලොව පහළවූ අභීත ලේඛිකාවකි. ලෝකයේ ගමන් මඟ වෙනස් කළ මේ කතුවරිය තුළ තුබූ අභීතභාවයත් සමස්ත ධරණීතලයේ සුන්දරත්වය හා අසාධාරණ සංස්කෘතීන්වල සංඝට්ටනයත්, ආගමික හස්තයේ කෲරත්වයත් පුරුෂාධිපත්‍යයේ නව මුහුණුවරත්, කාන්තා හදවතේ අසමසම සුන්දරත්වයත් වනන්නට සමත් උත්කෘෂ්ට ප්‍රතිභාව සුළුකොට තැකිය නොහැකිය.

කාන්තාව ඉතා දුර්වල සත්ත්වයෙකැයි කියන්නන්ට ද කාන්තාව සෑම පැත්තකින්ම පුරුෂයන්ට වඩා පහත් යැයි තර්ක කරන්නන්ට ද කාන්තාව ලිංගික කාර්යයේදී වඩාත් පහත් සත්වයෙකැයි පවසා ජුගුප්සාජනක කතා කියන්නන්ට ද නවාල් එල් සාදාවි හා තස්ලිමා නස්ලින් වැනි ලේඛිකාවන් මරු පහර එල්ල කොට ඒ අඥාන අතාර්කික මත සුනුවිසුනු කොට ඇත.
කාන්තාව සැබෑ ජීවමාන සත්වයකු බවට පත්කර ඇත්තේ බුදුන් වහන්සේගේ ධර්මයෙන් හා කාල්මාක්ස්ගේ සමාජවාදී සංකල්පයෙන් පමණක් බවද රුසියානු මාතාවගේ ශ්‍රේෂ්ඨ ලේඛක පරපුර වෙතින් පමණක් ඇය ජීවිතය යළි ලද බවද මැදහත් විදග්ධ විචාරකයෝ පෙන්වා දෙති.
කෙසේ වුවද කාන්තාවත් පිරිමියාත් අතර වෙනස ශරීර අවයවවලින් පමණක් බවද ඇයට රටක් වුවද පාලනය කළ හැකි බවද ලෝකයේ විශිෂ්ට කාන්තා චරිත පෙන්වා දී ඇත. කාන්තාවන් වෙනුවෙන් අභීත අදහස් රළ පෙළ ලොවට දායාද කළ ලේඛිකාවන්ගේ සාහිත්‍ය ව්‍යාපාරය අදත් හෙටත් බැබළෙනු නොඅනුමානය.

(අන්තර්ජාලය ඇසුරිනි)
■ පියුමිකා වීරසූරිය