පැටියට මේ වෙලාවේ වැදගත්ම දේ වන්නේ එයාගේ අම්මගේ උණුසුම සහ ආදරය. ඒ දෙන්නට නිදහසේ ඉන්න පරිසරය සකස්කර දීම ඉතාම වැදගත්. මොකද දරුවා සමඟ ආදරයෙන් ගණුදෙනු කරන්න මවගේ නිරවුල් මානසිකත්වය ඉතා වැදගත්. ඉතින් අපි අලුත උපන් බබා ඒ හමුවුණ විට දීම බලන්න යෑමෙන් එයාලගේ නිදහසට, බැඳීම් වලට එය බාධාවක් වෙන්න පුළුවන්. ඒ නිසා අම්මගේ ප්‍රසූතවේදනා, තුවාල සුවපත් වෙලා ඇයගේ මානසිකත්වය සුව අතට හැරිලා, පුංචි බබා පරිසරයට හුරුවෙන කල් මාස හය හතක් හෝ ඉවසීම වැදගත්.

දරුවාගේ වැඩ නිසි වෙලාවට ඉටු කරන්න

දරු පැටියාගේ නිරෝගීකමට පිරිසුදු වාතාශ්‍රය ඉතාම වැදගත්. නිවැසියන් හැරුණු විට නිවසට නෑදෑ හිතවතුන් වැඩි දෙනෙක් පැමිණ සිටීමෙන් දරුවට හොඳ පිරිසුදු වාතාශ්‍රය සහිතවටපිටාවක් නිර්මාණය කරගැනීම අපහසු විය හැකියි. විශේෂයෙන් එහිදී ශ වසන ආබාධ සහිත වැඩිහිටියන්, දරුවන් සිටිනවා නම් ඒ අය පුංචි පැටියගෙන් ඈත්ව සිටීම වැදගත්. මොකද අලුත් බබාගේ ප්‍රතිශක්තිය අඩු නිසා, කතා කරන විට වාතයට මුසුවන කුඩා කෙළ බිඳකින් පවා පැටියට ආසාදනයක් ඇතිවිය හැකියි.

දරුවාගේ පිරිසුදුකම සහ නිරෝගී සුවය සඳහා දිනපතා දරුවා නැහැවීම ඉතාම වැදගත්. ඒ වගේම පිරිසුදු වාතාශ්‍රය ලැබෙන 
පරිදි පැටියා ඉන්න කාමරයේ දොර ජනෙල් විවෘතව තැබීම කළ යුතුයි.

බාහිර ශබ්ද වලට ඉතාම සංවේදියි අලුත උපන් පැටියට අලුත් පරිසරය 

ඉතාම අභියෝගාත්මකයි. එයා පුංචි ශබ්දයකට උනත් ප්‍රතිචාර දක්වනවා. බාහිර ශබ්ද වලට හරිම සංවේදී. මේ නිසා එයාගේ වටපිටාව ඝෝෂාකාරී නොවන නිස්කලංක, නිදහස් වට පිටාවක් තිබීම වැදගත්. ඒ වගේම අම්මා තාත්තා එක්ක පැටියට මුල් දිනවල ඇතිවන ආදරය බැඳීම එයාට අත්‍යවශයයි.

 

උපදෙස්පේරාදෙණිය සිරිමාවෝ බණ්ඩාරනායක

විශේෂිතළමා රෝග සහ ළමා දැඩිසත්කාර සේවා පිළිබඳ

විශේෂඥ වෛද්‍ය ශාම් වීරසිංහ

සටහන - නයනා උදයංගනී