කිරි කජු මාළුව

අවශ්‍ය ද්‍රව්‍ය

කජු ග්‍රෑම් 500 ක්
ලූනු ග්‍රෑම් 30 ක්
සුදුලූනු ග්‍රෑම් 10 ක්
කරපිංචා ඉති 1ක්
කහ කුඩු තේ හැඳි 1/2ක්
තුනපහ තේ හැඳි 1ක්
අබ ඇට තේ හැඳි 1/2 ක්
මිටි කිරි අඩු කෝප්ප 3 ක්
කුරුඳු කැබලි 1ක්
තෙල් මේස හැඳි 2-3 ක්

සාදාගන්නා ආකාරය

කජු පැය දෙකක් පමණ පෙගෙන්න තබා හොඳින් සෝදා ගන්න. ඉන්පසු සුදුසු භාජනයක් ලිප තබා එයට තෙල් එකතු කර රත් වන විට අබ, උළුහාල්, කරපිංචා, ලූනු, සුදුලූනු දමා තෙම්පරාදු කරගන්න. පසුව එයට කජු සහ අනෙකුත් ද්‍රව්‍ය එකතු කර තම්බා ගන්න. හොඳින් තැම්බුණු පසු කිරි දමා උතුරුවා ලිපෙන් බාගන්න.

සටහන - ඉෂංකා ජයසූරිය

විධායක සූපවේදී සුජිත් ආරියරත්න